Энэ сарын 22-ны байдлаар улсын хэмжээнд дунджаар ердийн хэрэглээний 34 хоногийн газрын тосны бүтээгдэхүүний нөөцтэй байгаа талаар Уул уурхайн яам мэдээллээ. 

Үүнээс А-80 автобензин 40, Аи-92 автобензин 34, дизелийн түлш 41, ТС-1 20 хоногийн нөөцтэй байна. Мөн Уул уурхайн дэд сайд О.Эрдэнэбулган өнөөдөр болсон "Ил тод уул уурхай" хэвлэлийн бага хурал дээр "Манай улсад ойрын саруудад бинзений үнэ харьцангуй тогтвортой байна. Энэ асуудал дээр УУЯ анхаарал хандуулан ажиллаж байна." гэж ярьлаа.