"Монголын Хөрөнгийн Бирж" ТӨХК-ийн гүйцэтгэх захирлын үүрэг гүйцэтгэгч Д.Ангар 2014 оны 7 дугаар сарын 15-18-ны өдрүүдэд Лондон хотноо ажиллаж Лондонгийн Хөрөнгийн бирж, түүний газар, хэлтсийн удирдлагууд, төвлөрсөн төлбөр тооцоо, эрсдлийн удирдлагын LCH.Clearnet, олон улсын санхүүгийн индексийн FTSE болон Европын Сэргээн Босголт Хөгжлийн банк зэрэг байгууллагын удирдлагуудтай уулзаж, Монголын хөрөнгийн зах зээлд шинэ бүтээгдэхүүн нэвтрүүлэх, шаардлагатай дэд бүтцийг бий болгох, гадаадын хөрөнгө оруулагчдад сурталчлах, тэдний итгэлцлийг нэмэгдүүлэх зэрэг сэдвээр яриа, хэлэлцээ хийв.

Уулзалтуудад Монгол Улсаас ИБУИНВУ-д суугаа ЭСЯ-ны зөвлөх С.Ганхуяг хамт оролцсон байна.