Өнгөрсөн баасан гарагийн Хөрөнгийн биржийн арилжаагаар 18 хувьцаат компанийн 180.604 ширхэг хувьцааг арилжаалж, долоон компанийн үнэт цаасны ханш өссөн байна. Мөн найман компанийн хувьцааны ханш бага зэрэг уналттай байсан бол гурвынх нь тогтвортой байжээ. Тухайлбал, “Женко тур бюро”, “Дархан гурил тэжээл” компанийн хувьцаа 7.69-2.56 хувийн өсөлттэй арилжаалагдсан нь хамгийн өндөр үзүүлэлт байлаа. Харин “Фронтер лэнд групп”, “Монгол шилтгээн”-ийн хувьцаа 10.71-14.29 хувийн уналт үзүүлжээ. Тухайн өдөр ТОП-20 индекс 0.07 хувиар буурсан ч зах зээлийн үнэлгээ 2.3 их наяд төгрөгт хүрсэн байна.