Соруултай ундааны эрэлт 12 дугаар сард 30 хувиар нэмэгдэж үйлдвэрлэл эрчимждэг талаар ус, ундаа үйлдвэрлэгчид онцоллоо. Тухайлбал, тетропак савлагаатай соруултай ундааны 70 хувийг дангаар хангадаг "Монфреш" компанийн үйлдвэрлэл 11 дүгээр сард өссөн дүнтэй байна. 12 дугаар сарын эрэлтэд зориулан үйлдвэрлэлээ эрчимжүүлсэн аж. Шинэ жилийн бэлгийн сонголтод соруултай ундаа багтдаг нь ийнхүү эрэлт өсөхөд нөлөөлдөг байна. 2700 төгрөгөөс 75 мянган төгрөг хүртэл сонголттой бэлгийн багцуудыг супермаркетууд санал болгож байгаа юм. Мөн эдийн засгийн нөхцөл байдалтай холбоотойгоор худалдан авалтын дундаж хэмжээ буурч байгааг бизнесийнхэн онцоллоо.