Сангийн яамнаас өнөөдөр Монголын хөрөнгийн биржээр дамжуулан 39 долоо хоногийн хугацаатай, жилийн 12 хувийн хүүтэй Засгийн газрын үнэт цаас арилжихаар болжээ.

Нэгж тус бүр нь 100 мянган төгрөгийн үнэтэй энэхүү үнэт цаасыг 60 мянган ширхэгийг борлуулах юм. Хөрөнгийн биржээс энэхүү үнэт цаасыг худалдан авах аж ахуйн нэгжүүдийн хүсэлтийг өнөөдрийн 11.00 цаг хүртэл хүлээн авсан байна. Одоо хүсэлтүүдийг нарийвчлан судалж байгаа аж.