ӨнөөдөрБарилгын салбарын хөрөнгө оруулалт 4.4 хувиар өсчээ
2014 оны 12 сарын 25
Үндэсний статистикийн хорооноос барилгын салбартай холбоотой нэгэн тоон мэдээллийг уншигчиддаа хүргэхээр бэлдлээ. Манай улсад 2014 оны эхний есөн сарын байдлаар барилга угсралт, их засварын ажлын нийт хэмжээ 1 их наяд 182.4 тэрбум төгрөгт хүрч, 1 их наяд 114.6 тэрбум төг буюу 94.3 хувь нь дотоодын, 67.8 тэрбум төг буюу 5.7 хувь нь гадаадын барилгын байгууллагуудад ноогдож байна. Ингэснээр өмнөх оны мөн үеийнхээс 49.8 тэрбум төг буюу 4.4 хувь, үүнээс дотоодын байгууллагынх 90.1 тэрбум төг буюу 8.8 хувиар өссөн бол гадаадын байгууллагынх 40.3 тэрбум төг буюу 37.3 хувиар буурчээ.
Барилга угсралт, их засварын нийт ажлын 39.3 хувийг инженерийн барилга, байгууламж, 35.5 хувийг орон сууцны барилга, 20.7 хувийг орон сууцны бус барилга, 4.5 хувийг их засварын ажил эзэлж байна. Өмнөх оны мөн үеийнхээс орон сууцны барилгын ажил 22.5 хувь, их засварынх 2.4 хувь, орон сууцны бус барилгынх 1.8 хувиар өсч, харин инженерийн барилга байгууламжийн ажил 6.6 хувиар буурсан байна.
Харин өнгөрсөн 2013 оны эхний есөн сард барилгын байгууллагууд нийт 1 их наяд 132.6 тэрбум төгрөгийн барилга угсралт, их засварын ажил гүйцэтгэсний 1 их наяд 24.6 тэрбум төг буюу 90.5 хувь нь дотоодын, 108.0 тэрбум төг буюу 9.5 хувь нь гадаадын барилгын байгууллагуудад ногдож байсан юм.
Ингэснээр барилга угсралт, их засварын ажлын хэмжээ 2012 оны мөн үеийнхээс 731.7 тэрбум төг буюу 2.8дахин, үүнээс дотоодын байгууллагынх 626.6 тэрбум төг буюу 2.6 дахин, гадаадын байгууллагынх 105.1 тэрбум төг буюу 3.7 дахин өссөн байсан.
Барилга угсралт, их засварын ажлын 4.6 хувь нь их засварын ажил, 21.2 хувь нь орон сууцны бус барилга, 30.2 хувь нь орон сууцны барилга, 44.0 хувь нь инженерийн барилга, байгууламжинд ноогдож байв. 2012 оны мөн үеийнхээс инженерийн барилга, байгууламжийн ажлын эзлэх хувь 19.6 пункт, орон сууцны барилгынх 2.1 пунктээр нэмэгдэж, харин орон сууцны бус барилгынх 12.9 пункт, их засварын ажлынх 8.7 пунктээр буурч байжээ.
Мэдээнд өгөх таны үнэлгээ?
14672
0 эможи