"Эрдэнэс Тавантолгой" ХК-ийн 1072 хувьцааны 2024 оны ногдол ашгийг өнөөдрөөс иргэдийн дансанд шилжүүлж эхлээд байна. Үүнтэй холбоотойгоор банкны аппликейшнүүд ачааллаа дийлэхгүй гацаж эхэлсэн байна.

Тухайлбал, иргэдийн ханддаг Хаанбанк, Хасбанк зэрэг аппликэйшн нэвтрэх болон гүйлгээ хийх боломжгүй болжээ.

Иймд Хаанбанк болон Хасбанкнаас мэдэгдэл гаргажээ. Хаанбанкны зүгээс иргэдийг бусад суваг болох Digipay болон АТМ-аар үйлчлүүлэхийг мэдэгдсэн бол Хасбанк 1072 хувьцааны ногдол ашгийг өнөөдөр маргаашийн дотор шилжүүлж дуусгана гэж мэдэгджээ.