"ARSLAN.MN" долоо хоног бүр “Яам, Тамгын газраар сонин юу байна” булангаар төрийн байгууллагууд төсвийн хөрөнгийг хэрхэн захиран зарцуулж байгаа талаар "ШИЛЭН ДАНС"-наас мэдээллийг хүргэдэг билээ. Энэ удаад бид  Монголбанк 2024 оны шилэн дансны мэдээллийг хүргэж байна. 

Хуулийн дагуу төсвийн захирагч төрийн байгууллага нь орлого, зарлагын мэдээллээ заасан хугацаанд үнэн зөв, ил тод мэдээлэх ёстой. Гэвч Монголбанк одоогоор батлагдсан нийт төсвөөс  бусад таван сая төгрөгөөс дээш үнийн дүн бүхий зарлагын мөнгөн гүйлгээгээ буюу төсвийн гүйцэтгэлийг хөтлөөгүй байна.

Харин нэг анхаарал татаж буй зүйл нь төсвийн ерөнхийлөн захирагч Б.Лхагвасүрэн энэ онд гадаад, дотоодын томилолтод нийт 4 тэрбум 371 сая төгрөгийг зарцуулахаар төсвөө батлуулан авчээ.

Хамгийн их орлого, зарлагын гүйлгээ хийдэг Монголбанк Шилэн дансны хуулийг хэрэгжүүлэхгүй байна.

Эдийн засаг хүнд ийм үед  хамгийн их хэмнэлтийн горимд шилжин ажиллах ёстой Монголбанк зөвхөн "томилолт" нэрийдлээр 4 тэрбум төгрөг зарцуулах нь хэр зохистой вэ.