Малчны зээлийн гэрээний нөхцөлд өөрчлөлт оруулах хүсэлтийг цахимаар авч байна
Монгол орон даяар 500 гаруй салбар нэгжтэй Төрийн банк нийгмийн хариуцлагын хүрээнд “Малчдадаа туслая” аяныг 4000 ажилтныхаа дунд өрнүүлэн цугларсан 46,725,000 төгрөгийг өнөөдөр Онцгой байдлын ерөнхий газарт гардуулан өгсөн.
Монгол Улсын хэмжээнд банкууд 1,2 их наяд төгрөгийн малчны зээлийг олгосон байдаг бөгөөд үүнээс Төрийн банк 61 мянган малчинд нийт 694 тэрбум төгрөгийн зээлийг олгосон байдаг аж. Төрийн банкны зүгээс нийт малчдадаа зээлийн эргэн төлөлтөд дэмжлэг үзүүлэх үүднээс 2024 оны 06 сарын 30-ныг дуустал хугацаанд 6 хүртэлх сараар малчны зээлийн төлбөрийг хойшлуулах шийдвэр гарган, хүсэлтийг нь салбар нэгжээрээ болон онлайнаар хүлээн авч гэрээний нөхцөлд өөрчлөлт оруулж эхэлжээ.
Иймд малчид өөрт ойрхон Төрийн банкны 500 салбар болон www.statebank.mn вэб сайтад хандан хүсэлтээ илгээн зээлийн төлбөрөө хойшлуулах боломжтой болж байгаа юм байна.
Мөн Төрийн банк нэг ажилтан нэг нэмнээ аяныг өрнүүлэн 5000 нэмнээ бэлдсэн бөгөөд аймаг бүрт байрлах салбар нэгжээрээ дамжуулан малчдадаа гардуулан өгч байгаа ажээ.
Зээлийн гэрээнд өөрчлөлт оруулах талаарх дэлгэрэнгүй мэдээллийг Төрийн банкны цахим хуудас болон албан ёсны сошиал сувгаар, мөн харилцагчийн мэдээллийн төвийн 1800-1881 дугаараас авах боломжтой.
Дундаж давхаргыг дэмжигч Төрийн банк
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)