Иргэн арилжааны банкнаас 20 сая төгрөгийн зээл авлаа гэхэд 200 мянган төгрөгийг суутгаад 19.8 сая төгрөг шилжүүлдэг бөгөөд үүнийг ШӨХТГ-аас үндэслэлгүй  гэж үзээд шүүхэд хандснаар торгох шийдвэр гаргаад байсан. 

Тодруулбал, арилжааны нэр бүхий 9 банкийг тус бүр 20 сая төгрөгөөр торгох шийдвэр гаргасан.

Гэвч банкнуудын зүгээс энэ шийдвэрийг хүлээн зөвшөөрөхгүй  шүүхэд хандсан бөгөөд Захиргааны хэргийн анхан шатны шүүх үүнийг хүчингүйд тооцсон. Иймд ШӨХТГ-аас давж заалдах шатны шүүхэд ханджээ.

Тэгвэл уг нэхэмжлэлд холбогдох Захиргааны хэргийн шүүх хурал өнөөдөр болж, шүүхээс Шударга өрсөлдөөн хэрэглэгчийн төлөө газрын гаргасан шийдвэрийг хэвээр үлдээж, арилжааны банкууд ипотекийн зээл олгохдоо нийт зээлийн дүнгээс 1 хувийн шимтгэл тооцон авч байгааг "үндэслэлгүй" гэж шийдвэрлэжээ.

Шүүх хуралд өмгөөлөгчөөр О.Батхүү, н.Ялалт, н.Цэнгэл, н.Чинбат өмгөөлөгч нар ажиллан, хоёр цагийн турш банкуудын өмгөөлөгчтэй мэтгэлцсэн байна.