УИХ-ын гишүүн Б.Ундармаагийн хамаарал бүхий компанаиуд Хөгжлийн банкнаас зээл авсан ч чанаргүй ангилалд ороод байгаа талаар хэвлэлүүд мэдээлээд байсан. Тэгвэл энэ асуудлаар Хөгжлийн банкыг шалгах Ажлын хэсгийн гишүүн Б.Баттөмөр дараах хариултыг өглөө.

Тэрбээр "Капитал банкийг хуулийн байгууллага шалгаж байна. Иймд "Гантиг вилла" хотхоны зарим байрыг битүүмжилсэн. Хэдий энэ хотхон өөр хүний эзэмшилд шилжсэн гэж Капитал групп мэдэгдсэн ч шалгалтын дараа тодорхой болно. Бид ирэх сард АТГ-ын Олон нийтийн зөвлөлтэй хамтран сонсгол зохион байгуулна. Энэ үеэр та бүхэн хүссэн асуултдаа хариулт авч, мэдээлэл авах боломжтой." гэв.

Дашрамд дурдахад, тус компанийн захирал А.Ууганбаяр "Манай компани Зайсанд баригдах “Гантиг Вилла” төслийг 2019 онд худалдаж авсан.  Уг төслийг Бишрэлт группийн охин компани 2012 онд үүсгэн байгуулсан. 2014-2016 оны хооронд барилгын бүх ажил хийгдсэн. "Монгол мах экспо" компани Бишрэлт группийн охин компани байсан. Иймээс хүмүүс Б.Ундармаа гишүүнтэй хамаатай гэж ойлгоод байгаа. Гэвч тус компани 2019 оноос хойш Бишрэлт групптэй хамааралгүй болсон. 2019 оноос хойш Б.Ундармаа гишүүнтэй холбоотой ямар ч асуудал байхгүй. Гантиг Вилла төслөө өөрсдийн хөрөнгөөр санхүүжүүлж байгаа." гэдэг тайлбар өгч байсан билээ.