2021 оны хоёрдугаар сарын 11-ны өдөр Худалдаа хөгжлийн банк 200 мянган харилцагчаа үнэ төлбөргүй вакцинд хамруулна гэж мэдэгдэж олон ч хүнээр алга ташуулж байв. Тодруулбал, ХХБ-ны Гүйцэтгэх захирал О.Орхон сар шинийн мэндчилгээ дэвшүүлэхдээ: "Дэлхийд үйлдвэрлэгдэж байгаа Астра зенека болон ОХУ-ын Спутник-V вакцины 200.000 тунг банкны зардлаар оруулж ирж харилцагч нараа үнэ төлбөргүй вакцинжуулахаа зарласан билээ.

Гэвч өнөөдрийн байдлаар тухайн банкны харилцагчдаас нэг ч хүн Банкнаас худалдан авсан вакцин хийлгээгүй байна.

Бид харилцагчдаа хэзээ вакцинжуулах, вакциныг оруулж ирэх явц ямар байгаа талаар тус банкнаас тодруулахад “Одоогоор вакцин оруулж ирэх ажил гэрээ хэлцлийн шатандаа явж байгаа” гэв.