Банкнуудын нийт зээлийн үлдэгдэл 2017 онд 13.6 их наяд төгрөгт хүрч, 9.6 хувиар өссөн байна. Өмнөх жилтэй харьцуулахад зээлийн өсөлтийн хурдац нэмэгджээ.

Нийт зээлийн үлдэгдлийн 8.5 хувийг чанаргүй зээл бүрдүүлж байгаа нь 2011 оноос хойших дээд түвшин болж байна. Чанаргүй зээлийн харьцаа мөн өмнөх жилийн түвшнийг хадгалсан үзүүлэлт болжээ. Энэ дундаас чанаргүй зээлийн хамгийн их хэсгийг буюу 45.8 хувийг усан хангамж, бохир ус, хог хаягдлын менежмент болон цэвэрлэх үйл ажиллагааны салбарт олгосон зээл бүрдүүлж байна. Уул уурхай олборлолтын салбарын чанаргүй зээл 2017 онд нийт чанаргүй зээлийн 23.5 хувийг бүрдүүлжээ. Нийт зээлийн үлдэгдлийн 50.4 хувийг хувийн хэвшилд, 48.9 хувийг иргэдэд олгосон зээл эзэлж байгаа аж. Иргэдийн зээлийн үлдэгдлийн 46.7 хувийг орон сууцны ипотекийн зээл бүрдүүлж байгаа бол цалин, тэтгэврийн зээл 31 хувийг, хадгаламж барьцаалсан зээл 4.9 хувийг эзэлж байна.