Тус судалгаагаар өнгөрсөн  гуравдугаар сард Орон сууцны үнийн ерөнхий индекс 1.01  болж суурь үе буюу 2013 оны нэгдүгээр сараас 1.0 хувиар өсчээ. Дээрх үзүүлэлт өмнөх сараас 0.17 хувиар өссөн юм. Харин өнгөрсөн оны мөн үетэй харьцуулбал 3.34 хувиар буурсан байна.

Үнийн индексийн үзүүлэлтийг шинэ орон сууц, хуучин орон сууцаар ангилж үзвэл, Шинэ орон сууцны үнийн индекс 1.15 гарчээ.  Энэ нь өмнөх сараас 0.98 хувиар өссөн байна. Үүнийг өнгөрсөн оны мөн үетэй харьцуулбал 0,61 хувиар буурсан хэвээр гарчээ.
Шинэ орон сууцны 1м.кв дундаж үнэ нь өнгөрөгч  гуравдугаар сарын байдлаар 2 сая 45 мянган төгрөг болж өмнөх сараас 0.29 хувиар буурсан бол өнгөрсөн оны мөн үеэс 0.21 хувиар өсчээ.

 

 

Тэгвэл хуучин орон сууцны үнийн индекс 0.91 хувь буюу суурь үеэс 8.7 хувийн бууралттай гарлаа. Харин өмнөх сараас 0.99 хувиар, өнгөрсөн оны мөн үеэс 6.10 хувиар буурсан үзүүлэлт юм.

Хуучин 2 өрөө байрны дундаж үнэ нь  өнгөрсөн сарын байдлаар 72 сая 974 мянган төгрөг болж өмнөх сараас 0.40 хувиар, өнгөрсөн оны мөн үеэс 9.60 хувиар  буурсан байна.