Монгол банкны Мөнгөний бодлогын зөвлөл хуваарийн дагуу ирэх сард ээлжит хурлаа хийхээр товлож байна. Тус зөвлөлийг төв банкны ерөнхийлөгч даргалдаг. Мөнгөний бодлогын зөвлөл хоёр сарын өмнө хуралдаж, бодлогын хүүг хоёр хувиар бууруулж 12 хувь болгосон. Төв банкнаас баримтлах ойрын болон дунд хугацааны мөнгөний бодлогыг тодорхойлж, эдийн засгийн төлөв байдал, хүү, инфляцийн хүлээлтийг олон нийтэд бий болгоход дээрх зөвлөлийн үйл ажиллагаа чиглэдэг. Орон тооны бус бүтцээр ажилладаг тус зөвлөл хараат бус долоон гишүүнтэй.

Мөнгөний бодлогын зөвлөлийн ээлжит хурлаар өнгөрсөн хугацаанд авч хэрэгжүүлсэн бодлогын үр дүнг эргэж харах юм байна. Мөн 2018 оны мөнгөний бодлогын төслийн явцтай танилцах аж.