Сүүлийн жилүүдэд төгрөгийн ханш суларч, еврогийн ханш 40-50 орчим хувь өссөнөөс нийт бизнес эрхлэгчдэд хүндрэл үүсч байгаа билээ. Үүнтэй холбогдуулан Монголын үндэсний худалдаа аж үйлдвэрийн танхимаас өнгөрсөн удаад томоохон аж ахуйн нэгжүүдтэй хамтран валютын ханшийн өсөлт, банкны бодлогын талаар хамтарсан уриалга гаргаж байв.

Өнөөдөр буюу арванхоёрдугаар сарын 15-ны 14:00 цагаас ЗГХЭГ, Монголбанк, Сангийн Яам, Монголын Банкны Холбоо, бусад ТББ, мэргэжлийн холбоод, компаниудын хамтарсан уулзалтыг МҮХАҮТ-ын Үзэсгэлэнгийн Их танхимд зохион байгуулахаар болсон байна.