Өнгөрсөн 9 дүгээр сард нийт 850 зээлдэгч шинээр ипотекийн зээлд хамрагдсанаар нийт зээлдэгчдийн тоо 87925-д хүрчээ. Ипотекийн зээлийн нийт үлдэгдэл 3,943.0 тэрбум  төгрөгт  хүрсэн бөгөөд үүний 3,047.6  тэрбум  төгрөгийн  зээл  нь ОСИСТТБХ-ийн зээл байна. Шинээр олгосон зээл өмнөх сараас 32.6%-иар, төлөгдсөн зээл 22.9%-иар тус  тус буурсан үзүүлэлттэй гарсан байна.  9 дүгээр сарын байдлаар ипотекийн  зээлийн хүү, хугацаа, хэтэрсэн зээлийг хувиар нь авч үзвэл:

• Олгосон  зээлийн  жигнэсэн дундаж хүү 8.7%-тай байлаа.
• Олгосон  зээлийн  жигнэсэн дундаж хугацаа  19.7 жил байна.
• Нэг зээлдэгчид ногдох тухайн сард олгосон зээлийн хэмжээ дунджаар 59.9 сая төгрөг байна.
• Ипотекийн зээлийн үлдэгдэлд эзлэх хугацаа хэтэрсэн зээл 2.3%,чанаргүй зээл 1.1%-тай байна гэж Монголбанкнаас мэдээллээ.

Дэлгэрэнгүй мэдээллийг эндээс  үзнэ үү.