Засгийн газраас 2014 оныг үйлдвэржилтийн жилээр зарлаж, “Монголдоо бүтээцгээе” төслийн хүрээнд импортыг орлох, экспортыг нэмэгдүүлэх үйлдвэрлэлийн төслийн шалгаруулалт зарлаж, үйлдвэржилтийг дэмжихэд 1 их наяд төгрөг зарцуулахаар болсон. Энэ тавдугаар сард эдгээр төслүүдийг санхүүжүүлэх, ажлыг нь хурдан эхлүүлэх шаардлагатай байна гэж Ерөнхий сайд Н.Алтанхуяг хэллээ.

Зээл хүсэгч өөрийн сонгосон арилжааны банкинд төслөө өгч судлуулна, Арилжааны банк санхүүжүүлэх саналаа Хөгжлийн банкинд ирүүлснээр санхүүжилт хийгдэх юм. Хөгжлийн банк арилжааны 13 банктай 14 хоногийн өмнө санамж бичиг байгуулсан. Эхний шатанд тэнцсэн 888 төслийг эдгээр банкинд шилжүүлээд байгаа бөгөөд банкууд судалгааны ажлаа эхлүүлээд байна. Зээлийн материал бүрдсэнээс хойш 14 хоногийн дотор шийдвэрлэж, Хөгжлийн банкинд төслийг хүргүүлэх учиртай. Зээлийг төгрөгөөр олгоно, хугацаа 5 жил, зээлийн хүү 9 хувиас илүүгүй байх бөгөөд үндсэн төлбөрөөс чөлөөлөгдөх хугацаа 12 сараас доошгүй байна гэж Хөгжлийн банкны захирал Н.Мөнхбат хэллээ. Эдгээр төслийн эзэд арилжааны банкуудтай тулж ажиллах хэрэгтэйг Ерөнхий сайд зөвлөж байлаа.

Зээл хүсэгч өөрийн сонгосон арилжааны банкинд төслөө өгч судлуулна, Арилжааны банк санхүүжүүлэх саналаа Хөгжлийн банкинд ирүүлснээр санхүүжилт хийгдэх юм. Хөгжлийн банк арилжааны 13 банктай 14 хоногийн өмнө санамж бичиг байгуулсан. Эхний шатанд тэнцсэн 888 төслийг эдгээр банкинд шилжүүлээд байгаа бөгөөд банкууд судалгааны ажлаа эхлүүлээд байна. Зээлийн материал бүрдсэнээс хойш 14 хоногийн дотор шийдвэрлэж, Хөгжлийн банкинд төслийг хүргүүлэх учиртай. Зээлийг төгрөгөөр олгоно, хугацаа 5 жил, зээлийн хүү 9 хувиас илүүгүй байх бөгөөд үндсэн төлбөрөөс чөлөөлөгдөх хугацаа 12 сараас доошгүй байна гэж Хөгжлийн банкны захирал Н.Мөнхбат хэллээ.