Төрийн албан хаагчдыг орон сууцтай болохыг дэмжих зорилгоор арилжааны банкны ипотекийн зээлд хамрагдах шалгуур болох урьдчилгаа төлбөрийн тодорхой хувийг нийслэл хотоос орон сууцны сан байгуулан тэндээс олгох тухай яриа эртнээс яригдсан.  Үүнийг зөв, буруу гэх хүмүүс ч олон байсан юм. Тэгвэл өнөөдөр НИТХ-ын Тэргүүлэгчдийн ээлжит хуралдаан  НЗДТГ-ын хурлын А танхимд болох бөгөөд энэхүү хуралдаанаар Улаанбаатар орон сууц сангаас төрийн албан хаагчдад орон сууцны урьдчилгаа төлбөрийн дэмжлэг үзүүлэхэд баримтлах журам батлах тухай хэлэлцэх юм байна. Хэрвээ энэхүү журам батлагдвал төрийн албан хаагчдад урьдчилгаа төлбөрийн хөнгөлөлт хэрхэн, ямар байдлаар, ямар нөхцөлтэйгээр олгогдох нь нэг мөр шийдэгдэнэ.