Их Британийн хатан хаан II Елизаветагийн нөхөр, хунтайж  Филипп 99 насандаа таалал төгссөн юм. Тэгвэл түүнийг эцсийн замд нь үдэх ёслол өчигдөр болж өндөрлөлөө. 

Хунтайж Филиппийн шарилыг Виндзорын шилтгээн дэх Гэгээн Жоржийн сүм рүү авч явсан машины араас түүний дөрвөн хүүхэд болох хунтайж Чарльз, Эндрю, Эдвард, болон гүнж Анна, ууган ач нар болох хунтайж Уиллиам, Харри болон ордны өндөр хэргэм зэрэгтэй хүмүүс дагаж явжээ. 

КОВИД-19-ийн нөхцөл байдлаас шалтгаалж зөвхөн уг ёслолд хааны гэр бүлийн 30 хүн л оролцсон байна. 

Мөн улс орон даяар 15:00 цагаас 1 минут дуугаа хурааж зогсон эмгэнэл илэрхийлсний дараа ёслолын үйл ажиллагааг эхлүүлжээ.