Өчигдөр буюу Ням гарагт Мьянмарт цэргийн дэглэмийг эсэргүүцсэн иргэдийн жагсаал цуглаан болох үеэр цагдаа нар гал нээсний улмаас хамгийн цөөндөө 18 хүн алагдаж, 30 гаруй хүн шархадсан байна.

НҮБ-ын тэргүүн Антониу Гутерреш цэргийнхнийг эрс буруушааж, хүчирхийллээ нэн даруй зогсоохыг шаарджээ. 

Амралтын өдрүүдэд иргэд  Мьянмарын олон хотод жагсаал зохион байгуулж байна. Ийнхүү өнгөрөгч ням гараг хоёрдугаар сарын 1-ний төрийн эргэлтээс хойш Мьянмарт хамгийн их цус урссан өдөр болоод байна.