Лэди Гагагийн хайртай хоёр нохойг үл мэдэгдэх этгээд хулгайлжээ. Ингэхдээ гэмт этгээд нохойнуудыг салхилуулж явсан 30 гаруй насны залууг хагас автомат буугаар буудаж шархдуулсан байна.

Лэди Гага франц бульдог үүлдрийн Кожи, Густав нэртэй хоёр нохойг нь буцааж өгвөл $500 мянгын мөнгөн шагнал өгөхөө амласныг эх сурвалжууд өчигдөр мэдээлжээ.

Буудуулсан нохой салхилуулагчийн биеийн байдал хүнд, эмнэлэгт байгааг орон нутгийн цагдаагийн газар мэдээлсэн байна.

Лэди Гагад франц бульдог үүлдрийн гурван нохой байдаг аж.