"Facebook" компаний зүгээс АНУ-ын Ерөнхийлөгч  Дональд Трампын хуудсыг 24 цагийн хугацаатай хаах арга хэмжээ авсан гэдгээ мөн мэдэгдэж байна.

"Бидний тооцоолсноор Ерөнхийлөгч Д.Трампын хуудсанд хоёр удаа дүрэм зөрчигдсөн. Үүнтэй холбогдуулан түүний хуудсыг 24 цагийн турш идэвхгүй болгож байна. Энэ нь тэрбээр энэ хугацаанд олон нийтийн сүлжээнд бичих боломжгүй болно гэсэн үг юм" гэж “Facebook” компани тайлбарласан байна.

Лхагва гарагт мөн "Twitter" компани дүрэм зөрчсөний улмаас Д.Трампын хуудсыг 12 цагийн хугацаатай хаасан юм. Хэрэв дахин дүрэм зөрчвөл АНУ-ын одоогийн удирдагчийн "Twitter" хаягийг бүрмөсөн хааж магадгүй байгаа аж.