БНХАУ-ын Ерөнхийлөгч Ши Жиньпин “Хонгконгт ноцтой гэмт хэргүүд үйлдэгдсээр байгаа нь хууль журмыг уландаа гишгэсэн хэрэг боллоо" гэж мэдэгджээ. Тиймээс хонгконгчуудын хувьд нэн яаралтай шийдвэрлэх асуудал нь хүч хэрэглэхээ зогсоож, эмх журам тогтоох явдал гэж онцолсон байна.

Хонконгт жагсагчдын хооронд болсон мөргөлдөөний үеэр бэртэл авсан далан настай эрэгтэй нас баржээ. Пүрэв гарагт Засгийн газрыг дэмжигчид болон эсэргүүцэгчдийн хооронд мөргөлдөөн болох үеэр цэвэрлэгээ хийж байсан эрэгтэйн толгой руу тоосгоор цохижээ.

Хонгконгт жагсаал үргэлжилж, энэ долоо хоногийг дуустал бүх сургуулийн үйл ажиллагааг түр зогсоохоор болсон юм. Мөн метроны үйлчилгээ хэсэгчлэн саатахад хүрчээ.