ОХУ-ын Ерөнхийлөгч Владимир Путин дөрвөн жил завсарласны дараа дахин өнөөдөр Итали улсад нэг өдрийн албан ёсны айлчлал хийх гэж байна.

ОХУ-ын Ерөнхийлөгч Ромд айлчлал хийх үеэрээ Италийн Ерөнхийлөгч Сержо Маттареллатай уулзана. В.Путин мөн тус улсын сайд нарын танхимын дарга Жузеппе Контетэй хэлэлцээ хийх бөгөөд хоёр улсын удирдагчид хэвлэлийн бага хурал зохион байгуулж, хэлэлцээнийхээ үр дүнгийн талаар сэтгүүлчдэд мэдээлэх аж.