АНУ-ын Ерөнхийлөгч Дональд Трамп Ираны дээд удирдагч Аятолла Аль Хаменей болон цэргийн найман командлагчийн эсрэг шинээр хориг тавилаа. Хоригт өртөж байгаа хамгийн том хүн нь Ираны дээд удирдагч Аятолла Аль Хамени болж байна. 

Тэрээр Ираны дэглэмийн хор хөнөөлтэй үйл ажиллагааны гол буруутан нь Ираны дээд удирдагч гэж Дональд Трамп үзэж байгаа аж. Тиймээс Ираны удирдагчийн хөрөнгийг царцаах шийдвэрт АНУ-ын Ерөнхийлөгч гарын үсэг зурж, баталгаажуулаад байна.

Өнгөрсөн долоо хоногт Ираны арми АНУ-ын тагнуулын дроныг пуужингаар харваж унагасан бол энэ сарын эхээр Персийн булан орчимд зорчиж байсан газрын тос тээвэрлэгч хоёр хөлөгт халдсан юм.

Гэхдээ Тегераны эрх баригчид хөлөг онгоцнуудад халдаагүй гэдгээ мэдэгдэж байгаа.