Сүүлийн үед цэргийн ангитай холбоотой хар бараан мэдээллүүд нилээдгүй гарах болсон. Тэгвэл Зэвсэгт хүчний хүндэт харуулын 032 ангийн цэргүүд нийлэн хоёр цэргийг шийтгэн, дарамталж,  дээрэлхэж буй  бичлэг цахим орчинд цацагдсан нь хүний эрхийн зөрчиж буй үлдэл хэмжээн  олон нийтийг бухимдуулаад байна.

Сошиал эрчимтэй хөгжиж, мэдээ мэдээлэл, видео бичлэг хормын төдийд тардаг болсон энэ цагт бичлэг үзсэн олон нийт цэргийн ангийн дүрэм журамд бухимдан, өнөө цагт ийм байж болох уу, ингэж дарамтанд орсон залуус амиа хорловол хэн хариуцах вэ, хүүхдээ цэрэгт явуулахгүй гэдгээ илэрхийлсээр байна.

Энэ мэтчилэн нэгнээ элдэв бусаар хэлж, дарамталж, дэглэх асуудалд  БХЯ яагаад арга хэмжээ авдаггүй юм бэ!!!

Эрчүүд цэргийн албанд үүргээ биелүүлэх гэж очдог болохоос биш хүний ёсноос гажууд үйлдлийн золиос болохоор очдоггүй... 

Цэргийн алба хаагчийн эрх зүйн байдлын тухай хуулиас: 

   6 дугаар зүйлд Цэргийн алба хаагчийн үүрэг

            6.1.Цэргийн алба хаагч дараахь нийтлэг үүрэгтэй:
            6.1.1.эх орон, төр, ард түмнээ хүндэтгэн дээдлэх;
            6.1.2.өргөсөн тангарагтаа үнэнч байх;
            6.1.3.Монгол Улсын хууль тогтоомж, цэргийн нийтлэг дүрмийг чанд сахин биелүүлэх;
            6.1.4.албан тушаалын үүргээ биелүүлэх;
            6.1.5.захирах, захирагдах зарчмыг мөрдөх;
            6.1.6.гадаад улсад үүрэг гүйцэтгэхдээ тухайн улсын болон олон улсын холбогдох хууль тогтоомжийг мөрдөх;
            6.1.7.цэргийн алба хаагчийн ёс зүйн хэм хэмжээг сахих;
            6.1.8.хариуцсан зэвсэг, цэргийн техникийг чадамгай эзэмшиж, хамгаалах;
            6.1.9.төрийн болон албаны, байгууллагын, хувь хүний нууцыг алба хаах хугацаандаа болон албанаас чөлөөлөгдсөний дараа задруулахгүй байх;
            6.1.10.мэдлэг, мэргэшлийн түвшнээ ахиулж байх.

6.2.Захирагч, даргын гаргасан тушаал, шийдвэрийг цэргийн алба хаагч үг дуугүй биелүүлэх үүрэгтэй.

6.3.Захирагч, даргын тушаал, шийдвэр нь хууль тогтоомжид нийцсэн байна.