Сайжруулсан түлш нөөцлөлтийн явцыг шалгалаа

админ
2020 оны 7 сарын 30

Arslan.mn
Нийслэлийн Засаг даргын Агаар, орчны бохирдлын асуудал хариуцсан төслүүдийн удирдагч Д.Мөнхжаргал, нийслэлийн Агаарын бохирдолтой тэмцэх газрын дарга Ц.Цолмон болон холбогдох албаныхан өнөөдөр өвөлжилтийн бэлтгэл ажлыг хангах хүрээнд орчны агаарын чанарын хэмжилт болон сайжруулсан түлш нөөцлөлтийн ажлын явцыг шалгалаа.

40 орчим мянган тонн сайжруулсан түлшийг нөөцөлжээ


Сайжруулсан түлш нөөцлөлтийн ажлын явцыг шалгах хүрээнд Сонгинохайрхан дүүргийн 20 дугаар хороонд байрлах Гилл агуулахад ажиллалаа. Нийслэлийн Засаг даргын зөвлөлийн хурлаас 2020-2021 оны өвөлжилтийн бэлтгэл хангах ажлын хүрээнд нийслэлийн зургаан дүүрэгт 200 мянган тонн сайжруулсан түлшийг 5-9 дүгээр саруудад нөөцлөх, агуулахын нөхцөл байдлын судалгааг хийх үүрэг чиглэлийг өгсөн байдаг. Нийслэлийн хэмжээнд өнөөдрийн байдлаар 30 гаруй агуулахад нийт 40 орчим мянган тонн сайжруулсан түлш нөөцлөөд байна.
Нийслэлийн Засаг даргын Агаар, орчны бохирдлын асуудал хариуцсан төслүүдийн удирдагч Д.Мөнхжаргал “Энэ зун бороо хур ихтэй байгаа учир сайжруулсан түлшний нөөцлөлтийг битүү агуулахад хийж байна. Дүүрэг бүрт 60 мянган тонн түлшийг нөөцлөх санхүүжилтийн асуудлыг шийдвэрлэсэн. Энэ хүрээнд ажлын хэсэг байгууллагдаад ажиллаж байна. Ирэх сард 100 орчим мянган тонн сайжруулсан түлшийг үйлдвэрлэх, нөөцлөх шаардлагатай байгаа” хэмээлээ.  
“Наймдугаар сарын 1-нээс эхлэн дүүрэг бүрд “Түлшээ нөөцлөе” аяныг өрнүүлж ажиллана. Ингэхдээ иргэд одоогийн байдлаар ажиллаж буй 93 түлш борлуулах цэгээс нэг тонн түлш нөөцлөх боломжтой болох юм. Харин зорилтот бүлгийн иргэдэд 100-150 мянган төгрөгийн нэг тонн сайжруулсан түлшийг үнэ төлбөргүй олгох ажлыг Орчны бохирдлыг бууруулах үндэсний хороо болон Хөдөлмөр, халамж үйлчилгээний газар хамтран зохион байгуулна. Судалгаагаар 1660 гаруй айл өрхүүдэд сайжруулсан түлш олгоно” гэдгийг Агаар, орчны бохирдлын асуудал хариуцсан төслүүдийн удирдагч Д.Мөнхжаргал онцлон хэлж байсан юм.   

 

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс  
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
618782
0 эможи

Зочин
2020-07-30 11:17
keyboard_arrow_up