Иргэн Д.Доржпүрэвийн гэр бүл коронавирүстэй тэмцэхэд 20 сая төгрөг хандивлалаа

2020 оны 2 сарын 28

Дэлхий нийтийг түгшээж буй шинэ төрлийн коронавирүсийн халдвараас урьдчилан сэргийлж Монгол Улс өндөржүүлсэн бэлэн байдалд ажиллаж байна. Тэр дундаа эрүүл мэнд, мэргэжлийн хяналт, онцгой байдал, цагдаагийн алба хаагчид халуун цэгт цаг наргүй ажилласаар байгаа юм. Олон мянган хүний амь насыг авч одсон коронавирүсийн халдвараас урьдчилан сэргийлж, нийгмийн эрүүл мэндийн төлөө халуун цэгт ажиллаж байгаа алба хаагч нарын аюулгүй байдлыг хангах хувцас хэрэгсэл авахад зориулж иргэн Д.Доржпүрэв, түүний гэр бүл, хамт олноос 20 сая төгрөг хандивлаж ЭМЯ-ны удирдлагуудад гардуулан өглөө.

Иргэн Д.Доржпүрэв хэлэхдээ “Монголчууд хөнөөлт вирүсийн халдвараас хүчээ нэгтгэвэл урьдчилан сэргийлж чадна. Монголчуудын эрүүл мэндийн төлөө олон мянган хүн алба хаагч цаг наргүй ажиллаж байна. Хамгийн эрсдэлтэй нөхцөлд ажиллаж байгаа тэдний аюулгүй байдлыг нэн тэргүүнд хангах шаардлагатай, үүнд чадлынхаа хэрээр дэм болох ёстой гэж бид үзсэн юм. Эрсдэлтэй бүсэд ажиллаж байгаа алба хаагч нарын аюулгүй байдлыг хангах, зориулалтын хувцас хэрэглэлээр хангахад зориулж миний гэр бүл, хамт олноос 20 сая төгрөг хандивлалаа. Шаардлагатай бол унаа тэргээр дэм болъё. Хариуцлагатай цаг үед эрүүл мэндээ хамгаалах чиглэлээр төр, засгаас гаргасан шийдвэрээ ягштал мөрдөж, хувь хүн, аж ахуйн нэгжүүд  боломжийнхоо хэрээр тусламжийн гараа сунгахыг уриалж байна” гэлээ.

Эрүүл мэндийн яамны орчны тандалт, шуурхай удирдлагын хэлтсийн дарга Д.Нарангэрэл хэлэхдээ "Халдварт өвчинтэй тэмцэхэд бүхий л хүчээ дайчлан ажиллаж байна. Өндөржүүлсэн бэлэн байдалд халуун цэг дээр ажиллаж байгаа алба хаагч нарт иргэн, аж ахуйн нэгжүүд халуун аарц, амны хаалтаа бариад олноор ирж дэмжиж байна. Өнөөдөр иргэн Д.Доржпүрэвийн гэр бүл 20 сая төгрөг хандивлалаа. Бид Таны онцолж хүссэнээр тэргүүн шугаманд ажиллаж байгаа алба хаагч нарын аюулгүй байдлыг хангахад зарцуулна гэдгээ хэлье. Сайн үйлс дэлгэрэх болтугай" гэв.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
614205
0 эможи

Зочин
2020-02-29 03:45
Ner devshigch
2020-02-29 01:04
Handiv ugsun geed ner devshihuu bodvol
Бат
2020-02-28 16:19
Би насаараа л хөдөлмөрлөсөн дөө. 20 сая байтугай 200000 төг хуримтлуулж чадахгүй байсаар нэг мэдсэн мажийх дөхжээ. Хатуухан бас шуудхан хэлэхэд үхэхээр яаж оршуулах бол доо гэж
зочин
2020-02-28 14:49
Буян үйлдэж 20 сая төгрөг өгсөнд байр хүргэе. Эх оронч бол аль нам нь хамаагүй л баймаар юм. Манай төр засаг, комиссын бүрэлдэхүүн, эмнэлэгийн ажилтнууд сайн ажиллаж байгаа шүү.
Ардчилсан намын Доржпүрэв байна
2020-02-28 13:23
Болж байна
keyboard_arrow_up