Цагдаагийн ерөнхий газрын Мөрдөн байцаах алба, Монголбанк, Монголын банкны холбоотой хамтран Залилах гэмт хэргээс урьдчилан сэргийлэх зорилгоор "Ятгах тусам нягтал" нөлөөллийн арга хэмжээг улс орон даяар зохион явуулж байна.

Энэхүү аяны хүрээнд Чингэлтэй дүүрэг дэх цагдаагийн газрын нэгдүгээр хэлтсийн Мөрдөн байцаах тасгаас Ятгах тусам нягтал нэртэй фейсбүүк пэйж хуудсыг нээн ажиллуулж байгаа бөгөөд иргэд энэхүү хуудсанд нэгдэж, хуульч, өмгөөлөгч нараас үнэгүй хууль зүйн зөвлөгөө авах боломжтой юм байна.

Иймд иргэд та бүхэн залилах гэмт хэргийн хохирогч болохоос урьдчилан сэргийлж өөрийгөө болон ойр дотны хүмүүсээ энэ төрлийн гэмт хэрэгт өртөж хохирохоос сэргийлэн Ятгах тусам нягтал аянд нэгдэхийг уриалж байна.