Улаанбаатар хотод өнгөрсөн шөнө /2019.06.21/ 04.10 цагийн орчимд Их тойруу, Бөмбөгөр худалдааны төв зам дагуу "Toyota prius" маркийн авто машин унаж явсан 35 настай жолооч Гэсэр сүмийн уулзвараас Бөмбөгөрийн баруун уулзвар хүртэл урсгал сөрж, "Nissan Juke" маркийн авто машиныг мөргөн жолоочийг нь мөн өөрийгөө гэмтээжээ.

Осол гаргасан жолооч нь согтуугаар тээврийн хэрэгсэл жолоодож явсан бөгөөд ослын улмаас есөн хайс, хашлага эвдэрчээ. Тээврийн цагдаагийн албанаас тус хэргийг шалгах ажлыг эхлүүлэн хэрэг бүртгэлийн шатандаа явж байгаа аж.