Төв аймгийн Баянцогт сумын Даргиат багийн “Мойлт” гэдэг газар Жаргалант сумын нутгаас дамжин тархсан ой, хээрийн гал түймэр гарсан тухай дуудлагыг дөрөвдүгээр сарын 24-ний өдрийн 12:57 цагт онцгой байдлынхан хүлээн авсан.

Түймрийг дөрөвдүгээр сарын 28-ны өдрийн 09:00 цагт цурамд оруулжээ. Өчигдрийн байдлаар тус аймгийн Онцгой байдлын газрын Гал түймэр унтраах, аврах 24 дүгээр анги, Сэлэнгэ аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчид, Баянцогт, Жаргалант сумын иргэд түймрийг бүрэн унтраахаар цэвэрлэгээ хийн ажиллаж байна. Уг гал түймэрт урьдчилсан байдлаар 900 га талбай шатжээ.