“Түгээмэл тархацтай ашигт малтмалын тухай” хуульд тусгай зөвшөөрлийг аймгийн Засаг дарга олгохоор хуульчилсан байхад Сэлэнгэ аймгийн Мандал сумын Засаг дарга уг тусгай зөвшөөрлийг олгож байжээ.

Тус сум дахь сум дундын прокурорын газраас тус сумын Засаг даргын 2015 оны 8 дугаар сарын 31-ний өдрийн 530 дугаартай “Түгээмэл тархацтай ашигт малтмал ашиглах зөвшөөрөл олгох журам батлах тухай” захирамж нь хууль зөрчсөн гэж үзэн Сэлэнгэ аймгийн Засаг дарга Ш.Оргилд албан бичгээр хандсан байна.

Ингээд хуулийн дагуу хяналт, шалгалт явуулахад дээрх зөрчил илэрчээ.