Ус , цаг уур орчны шинжилгээний газрын мэд ээгээр энэ сарын 16, 17,18-нд баруун аймгуудын ихэнх нутгаар, төв болон говийн аймгуудын нутгийн зарим газраар дуу цахилгаантай аадар бороо орно гэжээ.

Иймээс голын эрэг дагуу суурьшиж, нутаглаж буй малчид, тариаланчид, аялал зугаалгаар яваа иргэдийг үерийн аюулаас сэрэмжтэй байхыг ОБЕГ-аас анхааруулсан байна.

Түүнчлэн аялагчид ихээр зорьж буй Хөвсгөл аймгийн ихэнх нутгаар Хатгал тосгон, Жанхайн даваа болон бусад томоохон гол сайр жалгаар усны түвшин ихсэж, үерийн онц аюултай байдалд хүрсэн тул иргэдийг онцын шаардлагагүй бол тус бүс нутагт зорчихгүй байхыг анхааруулжээ.