Өчигдөр 12.00 цагийн орчимд Сүхбаатар аймагт шороон шуурганы улмаас аюулт үзэгдэл болж, харанхуй болсон талаар бид мэдээлсэн.

Тодруулбал, Сүхбаатар аймагт өчигдөр өдрийн 12.00-14.30 цагын хооронд салхины өрөвхийлөлт 26 м/с хүрч, аймгийн төв тас харанхуй болж цаг агаарын гамшигт үзэгдэл болсон юм. 

Тус үзэгдлийн талаар Сүхбаатар аймгийн Ус, цаг уур, орчны шинжилгээний төвийн мэргэжилтнээс тодруулахад "Өчигдөр манай аймгийн төв болох Баруун-Урт болон Дарьганга суманд салхины хүч ихэссэний улмаас хүчтэй шороон шуурга шуурч, онц аюулт үзэгдэл болсон. Энэ хүчтэй шороон шуурганаас үүдэж, Баруун-Урт болон Дарьганга суманд харанхуй болсон" гэв. 

Нийтдээ 13 цаг үргэлжилсэн шуурганы үеэр аймгийн хэмжээнд урьдчилан сэргийлэх ажлыг эрчимтэй явуулж, хөл хөдөлгөөнийг хорьсоны үр дүнд хүний амь нас эрсдээгүй байна.