Нийслэлийн нэгдүгээр төрөх эмнэлэг буюу “Өргөө” амаржих газрын дарга Г.Баясгаланг албан тушаалаас нь чөлөөлөх тушаалыг нийслэлийн Эрүүл мэндийн газрын дарга Л.Төмөрбаатар гаргажээ. Түүний ажлыг одоогоор Эмчилгээ эрхэлсэн орлогч дарга н.Дүүрэнбилэг түр орлон гүйцэтгэж байгаа аж.

“Өргөө” амаржих газрын дарга Г.Баясгаланг ямар үндэслэлээр ажлаас нь чөлөөлсөн нь тодорхойгүй байгаа бөгөөд  тус эмнэлэгт өнгөрсөн тавдугаар сард л гэхэд хоёр эх эндсэн, нярайн тусламж үйлчилгээний тоног төхөөрөмжийг төлбөртэй үйлчилгээнд оруулсан зэрэг асуудлууд олон нийтэд дунд шүүмжлэлд өртөж байгаа билээ.