Манай улсын төрийн түшээд, эрх бүхий албан тушаалтнууд сошиал орчны ерөнхий чигийг харан түүнд нийцүүлэн ард иргэддээ таалагдахын тулд ажлаа явуулдаг болсон нь нууц биш. Гэвч энэ үзэгдэл нь аливаа зүйлийн агуулгыг анхаарах бус хэлбэр хөөдөг шинжинд оруулаад буйг шүүмжилдэг. Үүний тод шишээ нь БШУ-ны сайд Л.Энх-Амгалан өөрийн твиттер хуудсаар дамжуулан төрийн шийдвэрээ зарлаж "попорсонд" иргэд шүүмжлэлтэй хандаж байна. Тэрээр твиттер хуудаснаа "Өндөр төлбөртэй хувийн сургуулийн хувьсах зардалыг ирэх сараас зогсооно" хэмээн мэдэгджээ. Энэ шийдвэр зөв, буруу байхаас үл хамааран ямар үндэслэл, судалгаа, нөхцөл байдлыг харгалзан гаргаснаа тайлбарлах ёстой.

Сайдын тамга атгаад гэнэт ухаан орсон мэт нөгөө л хэдэн улс төрчид шигээ хаана, зогсооно гэдэг биш бүтээлч ажлуудыг УИХ-ын гишүүн, БШУ-ны сайд Л.Энх-Амгалангаас салбарынхан хүлээж буй. Тэрээр дан дээлтэй байхдаа засгийн газраа ямагт шүүмжилдэг байсан бол одоо өөрөө дутахааргүй шүүжлэлтэй хандлагыг гаргах болжээ. Шинэ засаг бүрдээд 20 ч хоноогүй байхад Л.Энх-Амгалан сайд ноён нуруу хугарч байгаа юм биш биз дээ?!