Тулгар төрийн 2229, Их Монгол Улс байгуулагдсаны 814, Ардын Хувьсгалын 99 жилийн ойн баяр наадмын хязаалан насны морьдын уралдаан өнөөдөр  07.00 цагт эхэллээ. Хязаалан насны уралдаанд 286 хурдан хүлэг бүртгүүлжээ.

Үндэсний их баяр наадмын долдугаар сарын 10-ны өдөр гурван насны морь уралдах байсан ч цаг агаарын нөхцөл байдал, давагдашгүй хүчин зүйлээс шалтгаалан уралдаануудыг өнөөдрийг хүртэл хойшлуулаад байсан юм.

Түрүү магнайд өнгөрсөн жилийн шүдлэнгийн түрүү Төв аймгийн Алтанбулаг сумын харьяат Д.Ганзоригийн хар үрээг аймгийн алдарт уяач Б.Батхүү уяж хурдлууллаа.

Аман хүзүүнд Завхан аймгийн Тосонцэнгэл сумын харьяат Т.Ууганбаярын хүрэн үрээ
Айргийн гуравт Улаанбаатар хотын Багахангай дүүргийн уяач Д.Пүрэвсамбуугийн хүрэн үрээ
Айргийн дөрөвт Баянхонгор аймгийн Заг сумын харьяат З.Пүрэв-Очирын хүрэн үрээ
Айргийн тавт Архангай аймгийн Хотонт сумын Д.Лхагвасүрэнгийн хүрэн үрээ тус тус хурдаллаа.