НМХГ-аас Нийслэлийн засаг дарга бөгөөд Улаанбаатар хотын захирагчийн 2020 оны 01 дүгээр сарын 27-ны өдрийн А/107 тоот захирамжийн дагуу архи согтууруулах ундаагаар үйлчлэх тусгай зөвшөөрөл бүхий баар, караоке, ресторан, кафены цагийн хуваарьт шөнийн шалгалт хийн ажиллаж байна.

Чингэлтэй дүүрэг дэх мэргэжлийн хяналтын хэлтэс, цагдаагийн нэгдүгээр хэлтэстэй хамтран Согтууруулах ундаагаар 04:00 цаг хүртэл үйлчилдэг ресторан, баар, караоке, паб, кафег 00:00 цаг хүртэл ажиллаж буй эсэхэд хяналт шалгалтыг хийлээ. Хяналт шалгалтаар нийт 70 газар хамрагдсанаар баар 29, караоке 10, паб 7, ресторан 24-ийг шалгахад зөрчил дутагдалгүй 00 цагт үйл ажиллагаа бүрэн зогссон байна.