Цэргийн бүртгэл ӨНӨӨДӨР эхэлнэ

2020 оны 1 сарын 20

Arslan.mn

Нийслэлийн Засаг даргын захирамжийн дагуу цэргийн бүртгэлийг нийслэлийн хэмжээнд  даваа гараг буюу энэ сарын 20-нд эхэлнэ.

Иргэд ирэх сарын 7-ноос өмнө засаг захиргааны анхан шатны нэгж буюу хороон дээрээ биечлэн очиж бүртгүүлэх ёстой юм. Цэргийн бүртгэл явуулах журмыг Батлан хамгаалахын сайдын 2017 оны А/331 дүгээр тушаалаар баталсан бөгөөд уг журмын дагуу бүртгэлийн ажлыг явуулах аж. Цэргийн бүртгэлийн тогтолцоо нь цэргийн бэлтгэл үүрэгтний тоо, чанарт дүн шинжилгээ хийх үйл ажиллагааны цогц юм. Цэргийн албаны тухай хуулийн 34 дүгээр зүйлийн 34.3 дахь хэсэгт цэргийн бэлтгэл алба хаах насны иргэн жил бүр цэргийн бүртгэлд бүртгүүлж, цэргийн үүрэгтний үнэмлэхэд тэмдэглэл хийлгэнэ гэж заасан байдаг.

Бүртгэлд дараах насны иргэд хамрагдана. Үүнд:

-Иргэн /18-50 насны эрэгтэйчүүд/

-60 хүртэлх насны бэлтгэл дээд болон ахлах офицерууд

-55 хүртэлх насны бэлтгэл дунд офицер болон ахлагч

Энэ удаагийн цэргийн бүртгэлийг нийслэлийн 173 хороонд хүн ам, орон сууцны Улсын ээлжит тооллогын дараа зохион байгуулж буйгаараа онцлог юм.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
612745
0 эможи

Зочин
2020-01-20 13:07
keyboard_arrow_up