АН-аас Ерөнхийлөгчийн сонгуульд нэрээ дэвшүүлэх улс төрчид өнөөдөр хоёр талд нэрээ дэвшүүлээд эхлэв. Одоогоор тус нам УИХ-ын гишүүн О.Цогтгэрэл, НИТХ-ын төлөөлөгч М.Тулгат гэсэн хоёр даргатай болж, хоёр өөр баг тус тусдаа ажиллаж байна.

АН-ын гишүүн Л.Гүндалай 2021 оны Ерөнхийлөгчийн сонгуульд өрсөлдөхөөр АН-ын сунгаанд оролцохоор материалаа өглөө.

Энэ үеэр Л.Гүндалай “С.Ганбаатар АН-д элсээд дор хаяж зургаан сар өнгөрсний дараа намаас нэр дэвших эрх нь үүснэ. Энэ бол намын дүрэм. Намын дотоод дүрмийг зөрчсөн тул нэр дэвших эрхгүй, шүүхэд очоод унана. Учир нь намын дүрэм нь өөрөө Дээд шүүх дээр бүртгэлтэй байгаа. Биг хувьд гишүүнчлэлээ бүрэн сэргээсэн учир нэр дэвших эрхтэй. Намайг С.Ганбаатартай харьцуулж ярих боломжгүй шүү дээ.” гэв.

Өнөөдөр Ц.Оюунгэрэл, Р.Амаржаргал, Н.Алтанхуяг, С.Ганбаатар, Д.Ганбат, Л.Гүндалай, С.Эрдэнэ нар нэрээ дэвшүүлж буйгаа зарлалаа.

Харин Л.Гүндалайгийн хувьд М.Тулгат даргатай АН-аас өрсөлдөнө.