Ардчилсан намын Шинэчлэлийн хөдөлгөөнөөс өнөөдөр намын дарга С.Эрдэнэг огцрохыг шаардаж, цаг үеийн асуудлаар өнөөдөр мэдээлэл хийлээ.

Ардчилсан намын Шинэчлэлийн хөдөлгөөнөөс тус намын дарга С.Эрдэнийг арванхоёрдугаар сарын 29-нөөс өмнө өөрийн хүсэлтээр огцрохыг шаардлаа. Тодруулбал, нийслэлийн есөн дүүрэг, 21 аймгийн Ардчилсан намын гишүүд мэдээлэл хийж, шударга бус нийгмийг өөрчлөхийн тулд “бохирдсон” улстөрчдөөс сална гэв.

“Бохир” улстөрчдийн нэг нь АН-ын дарга С.Эрдэнэ бөгөөд намын дотоод эв нэгдлээ хангадаггүй, хамгийн муу улстөрчөөр нэрлэгдсэн, хууль зөрчсөн зэрэг үндэслэлээр ийнхүү огцрохыг шаардаж байгаа аж.

Тэд " Жирийн гишүүдээ МАН-ын мөнгөний хүн гэж доромжилж, цагдаад өгч, эрүү үүсгүүлэн явж байна.  Өөрийн хамаатан садан, ах, эгч нараа намын Удирдах түвшинд суулгасан. Улмаар  ХХБ-ны эзэн Д.Эрдэнэбилэгийн эхнэрийг АН-ын санхүүгийн албаны даргаар тавьсан, одоо нэр дэвшүүлэхээр явж байгаа учир АН-ын Шинэлчлэх хөдөлгөөнөөс шаардлага тавьж, огцрохыг шаардаж байнан" гэв.

Тус хөдөлгөөнөөс Ардчилсан намын Шинэчлэлийн хөдөлгөөн намын дарга С.Эрдэнэд шаардлагыг хүргүүлж байгаа аж.

ШУУД ҮЗЭХ: