Ерөнхий сайд асан Н.Алтанхуягийг АН-ын гишүүнчлэлээс дөрвөн жилийн хугацаатай хасах шийдвэр гаргасан билээ. Учир нь түүнийг намын дарга хийж байх хугацаандаа намын байр зарсан, намын хөрөнгөөр машин авсан хэмээн буруутгаж байгаа. Тэгвэл Н.Алтанхуяг үүнийг 2016 оноос хойш явсан гүтгэлэг хэмээн үгүйсгэж өнөөдөр мэдээлэл хийлээ.

Ерөнхий сайд асан Н.Алтанхуяг:

"2016 онд С.Элбэгдоржийг МАНАН мафийн толгойгогч гэж зарласнаас хойш амар заяа үзсэнгүй. С.Эрдэнэ гэдэг хүн АН-ын нэр хүнд, олон мянган гишүүний итгэл сэтгэлээр тоглож байна. С.Эрдэнэтэй үзэл бодол нийлээгүй УИХ-ын гишүүд битгий хэл намын жирийн гишүүдээ хөөдөг болсон. Ингэж хөөснөөрөө нам хохирч, УИХ-д бүлэггүй болж, сөрөг хүчний дуу хоолой үгүй боллоо. Цаашид АН-ыг шинэчлэхийн тулд орон нутаг, аймаг, сум, дүүргийн бүх гишүүдийг "АН нэгдэл"-д нэгдэхийг уриалж байна. Бид нэг С.Эрдэнэ байтугай 1990 онд Монголын нийгмийг яаж өөрчилсөн билээ. Хулгайч дээрэмчдээр удирдуулж, тэдний дохио зангаагаар хөдөлдөг цаг хоцорсон. Төрөө тонож, улсаа зардаг хулгайч нар аа. Та нарт АН дэндүү томдоно шүү." гэлээ.

ШУУД ҮЗЭХ: