Ерөнхийлөгчийн эхнэр Ц.Энхтуяа ИЗНН-ыг удирдана

2018 оны 1 сарын 29

Иргэний зориг, ногоон намын Үндэсний хороо хуралдаж, намынхаа дүрмийн өөрчлөлтийг баталжээ. Энэ үеэрээ УИХ-ын гишүүн асан С.Оюуны намын даргын албаа хүлээлгэн өгөх хүсэлтийг хэлэлцэж, ажил үүргээс нь чөлөөлсөн бол Ц.Ганхуягийг үргэлжлүүлэн ИЗНН-ын даргаар ажиллуулахаар болсон байна.

Arslan.mn

Ингэснээр нэгэн үе УИХ-ын гишүүн асан С.Дэмбэрэл болон С.Оюун, Ц.Ганхуяг гэсэн гурван даргатай байсан тус нам цаашид ганц даргатай болж, Ц.Ганхуягийн удирдлага дор үйл ажиллагаагаа явуулахаар болж байгаа аж.

Түүнчлэн Б.Батбаатар, Л.Ганхуяг, Ц.Энхтуяа нарыг ИЗНН-ын дэд даргаар, харин С.Батбаатарыг ерөнхий нарийн бичгийн даргаар тус тус сонгосон байна. Ц.Энхтуяагийн тухайд тэрбээр ИЗНН-ыг байгуулагдсан цагаас нь хойш үйл ажиллагаанд нь идэвхтэй оролцож, санхүүжилтэд нь дэмжлэг үзүүлсэн тухай яриа байдаг.

Мөн түүнийг Ерөнхийлөгч Х.Баттулгын эхнэр гэдгээр нь олон нийт илүү сайн мэдэх бөгөөд хэдийгээр өдгөө тусдаа амьдардаг ч гэрлэлтээ албан ёсоор салгаагүй бололтой. Иймд ИЗНН-ын цаашдын улс төр Ерөнхийлөгч Х.Баттулгын бодлого, шийдвэрт шүүмжлэлтэй хандахаас илүүтэй дэмжиж ажиллахыг үгүйсгэх аргагүй юм.

Мэдээнд өгөх таны үнэлгээ?
Like an post Love an post
haha an post
wow an post
1
yay an post
sad an post
ouch an post
confuse an post
angry an post
53014
4 эможи
keyboard_arrow_up