Ерөнхийлөгч асан Х.Баттулга буухаасаа өмнө 13 хүнийг өршөөлийн хуулинд хамруулж, заримыг нь суллан заримынх нь ялыг хөнгөлсөн байдаг. Үүн дотор өршөөлийн хуулинд хэзээ ч хамруулж болохгүй хүн амины хэрэгтэн, албан тушаалаа урвуулан ашигласан хүмүүс байх юм. 

Тухайлбал мөр зэрэгцэн ажиллаж байсан ажилтаныхаа алтан амийг хэрцгийгээр хөнөөсөн Б.Махбалын ялаас 2,4 жилийг хөнгөлсөн байна. Б.Махбал нь 2008-2012 онд Ерөнхийлөгч асан Х.Баттулгыг Зам тээвэр,барилга,хот байгуулалтын сайдаар ажиллах үед тус яамны Хяналт,шинжилгээ,үнэлгээний газрын болон Зам тээврийн бодлогын газрын даргаар  ажиллаж, төмөр замын трасс батлах зэрэгт хамтран ажиллаж байжээ.

Мөн хоёр хүний аминд санаандгүй хүрсэн гэх Т.Галсансүхийг чөлөөлж, хар тамхины хэргээр ял сонссон "Шар энхээ" хочит Э.Энхбатын эдлээгүй ялынх нь 25 хувь буюу 2,5 жилийн ялыг хөнгөлөх уучлал үзүүлжээ. Үүнээс гадна Т.Чимгээ нарыг эрүүдэн шүүсэн хэргээр сар гаруйн өмнө яллуулсан ТЕГ-ын дарга асан Б.Хурцыг эрх чөлөөтэй болгов. Энэ мэт чөлөөлсөн хүмүүсийн жагсаалтыг харахад "БОЛЖ ДЭЭ" гээд хэлчихээр хүн харагдсангүй.