УИХ-ын Аюулгүй байдал байнгын хорооны өнөөдрийн хуралдаанаар Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төсөлийг хэлэлцэх эсэхийг хэлэлцэж байна. Хэлэлцэж байгаа асуудалтай холбогдуулан гишүүд асуулт асууж, хариулт авч байна.

Энэ үеэр УИХ-ын гишүүн Х.Булгантуяа "Жирэмсэн, хөхүүл эхчүүдийн вакцинжуулалт яах ёстой вэ. Хүүхдүүдийн вакцин хэзээ ирнэ гэсэн төсөөлөлтэй байгаа вэ. 2022 оны вакцинаа хөөцөлдөж байгаа юу, гурав дахь тунг хийнэ гэж яриад байна. БНХАУ-ын вакцин 6 сар хамгаалах юм шиг байгаа юм. Одоо бараг эхнээсээ хугацаа нь дуусаад дараагийнх нь хийх ёстой юм шиг байна. Энэ бэлтгэлийг хийж байгаа юу?" гэсэн асуултыг асуусан юм.

Гишүүний асуултад Эрүүл мэнд С.Энхболд "Жирэмсэн эхчүүдийн вакцинжуулалт эхэлсэн. Манай улс 2.5 сая Пфайзер вакцин авах гэрээ хийгээд эхний татан авалтууд хийсэн. Тэр вакциныг хүүхдэд тарьж эхэлнэ" гэсэн товчхон хариулт өгсөн юм.

Өнөөдөр улс даяараа л коронавируст халдварын цар тахалтай холбогдуулан цаг үеийн бүхий л асуудлыг иргэд хүртэл мэдэж байхад төрийн бодлого тодорхойлогч хүн энэ мэтийн наад захын мэдээлэлгүй гэдгээ гайхуулах мэт ийм зүйл асуугаад суух нь хэр зохимжтой вэ. Эсвэл энэ хүн зүгээр л дүр эсгээд ордонд ямбалан сууж байна уу...