Яг одоо УИХ-ын гишүүн Т.Аюурсайхан мэдээлэл хийж байна. 

ШУУД ҮЗЭХ: 

УИХ-ын гишүүн Т.Аюурсайхан: 

 “УИХ-ын дарга Г.Занданшатар Швейцарын холбооны улсад айлчлал хийсэн. Энэ айлчлалын бүрэлдэхүүнд явсны хувиар оффортой холбоотой баримт авч ирсэн талаар олон нийтэд мэдээлэл хийсэн. Гэтэл үүнийг мушгин гуйвуулж байна. 
Тиймээс зарим зүйлийг тодруулах зорилгоор мэдээлэл хийж байна. 

УИХ-ын даргын айлчлал хийсэн бүрэлдэхүүн гуравдугаар сарын 15-нд Монголд ирсэн. Швейцараас Монголын талд С.Баярцогтын таван дансны мэдээллийг хүлээлгэж өгсөн. Энэ баримт нь ГХЯ-аас дамжигдан АТГ-т очно. Одоогийн байдлаар АТГ-т очоогүй байгаа бололтой.

Энэ чухал ач холбогдолтой мэдээлэл дарагдахаас сэргийлэх ёстой. 

Нийт таван дансны орсон гарсан гүйлгээ гэхээр цаанаа өөр олон асуудал агуулж байх чухал ач холбогдолтой асуудал юм. Энэ ажил олон хүний оролцоотой хийгдсэн. 

УИХ-ын дарга Г.Занданшатарын Швейцарын холбооны улсад хийх айлчлалын бүрэлдэхүүнд би өөрөө зорилгоо хэлж байж орсон. Иргэн С.Баярцогтын дансны хуулгыг авчрах асуудлыг айлчлалын бүрэлдэхүүнд багтсан гишүүд мэдэхгүй. УИХ-ын дарга бид нар л мэднэ. УИХ-ын гишүүн Д.Пүрэвдорж, О.Баасанхүү нар айлчлалын бүрэлдэхүүнд ямар ч үүрэггүй, төсвийн хөрөнгийг дэмий үрж явсан. 

С.Баярцогтын дансны хуулгыг авах асуудал айлчлалын хөтөлбөрт байгаагүй. УИХ-ын гишүүн Д.Пүрэвдорж, О.Баасанхүү нар айлчлалын бүрэлдэхүүнд ямар ч үүрэггүй, төсвийн хөрөнгийг дэмий үрж явсан. Бид дахин хүсэлт гаргаж өөр хүмүүсийн дансны хуулгыг авах хэрэгтэй. Энэ мэдээллийг хийгээгүй байсан бол цаашид дарагдах байсан. Миний хувьд энийг дуртайдаа хийгээд байгаа юм биш. Нотлогдох боломжтой мэдээлэл гэдгийг би хариуцлагатайгаар хэлмээр байна. Мэдээллийг Монголын талд өгсөн гэдэг нь чухал. Энэ мэдээллийг улам лавшруулж шалгахад сэтгүүлч та бүхний үүрэг их чухал.

Хонгконгд Монголын улс төрчдийн офшор данс байж болзошгүй гэсэн мэдээлэл бас байна. Эдгээр мэдээллүүдийг бид ил болгохын төлөө ажиллаж байна. Энэ мэдээлэл хэнээр дамжиж ирсэн нь чухал биш харин гарах үр дүн нь чухал." гэлээ.