Монгол Улсын хөдөлмөрийн баатар, ардын уран зохиолч, соёлын гавьяат зүтгэлтэн, төрийн шагналт, “Болор цом”-ын хошой эзэн Б.Лхагвасүрэн агсны нэрэмжит яруу найргийн наадам болно.

Уг наадмын нэр нь “Антимир” бөгөөд бүтээлийг өнөөдрөөс ирэх хоёрдугаар сарын 3 хүртэл Монголын зохиолчдын эвлэлийн байранд хүлээн авах аж.

Тус наадамд оролцох хүсэлтэй найрагчид чөлөөт сэдэвтэй хоёр бүтээлээ бүртгүүлэх юм байна.

Үүнийг МЗЭ, түүний үр хүүхэд хамтран зохион байгуулж буй.